दोन आरोपींसह ५० मोबाईल हस्तगत
पंढरपूर /प्रतिनिधी
पंढरपूर शहर पोलीस ठाण्यातील पोलिसांनी दमदार कामगिरी केली असून, दोन आरोपींसह त्यांच्याकडून ५० चोरीतील मोबाईल हस्तगत केले आहेत. दोन्ही आरोपींना अटक करून पुढील तपासास गती दिली आहे. याबाबतची माहिती पोलीस अधीक्षक तेजस्विनी सातपुते यांनी पत्रकार परिषदेत दिली.
याबाबत सविस्तर वृत्त असे की, पंढरपूर शहरातील एका नागरिकांने मोबाईल चोरीला गेल्या असल्याची तक्रार, पंढरपूर शहर पोलीस ठाण्यात दिली होती. याचा तपास करत असताना, हा मोबाईल सांगोल्यातील एक नागरिक वापरत असल्याचे समजले. त्यास ताब्यात घेऊन चौकशी केली असता, त्याने हा मोबाईल दुसऱ्या व्यक्तीकडून घेतला असल्याचे सांगितले. आणि तपासास गती मिळाली. सांगोला तालुक्यातील पारे येथून सदर इसमास ताब्यात घेतले, त्याची चौकशी केली असता, तो इसम सराईत गुन्हेगार असल्याचे समोर आले. सदरचा मोबाईल जप्त करण्यात आला. याप्रकरणी पारेवाडी येथील आरोपीस ताब्यात घेऊन, आणखी चौकशी केली असता त्याने त्याच्या साथीदाराची माहिती दिली. त्यासही ताब्यात घेण्यात आले. सदर दोन्ही इसमांची कसून चौकशी करून त्यांच्याकडून ४९ अधिक १ असे ५० मोबाईल हस्तगत करण्यात आले. या दोन्ही आरोपींवर पंढरपूर शहर पोलीस ठाण्यात गुन्हे दाखल करण्यात आले असून, दोघांनाही अटक करण्यात आली आहे. चोरीच्या गुन्ह्यातील या दोन्ही आरोपींना न्यायालयाने न्यायालयीन कस्टडी सुनावली आहे.
सदर प्रकरणी पोलीस अधीक्षक तेजस्विनी सातपुते, उपविभागीय पोलीस अधिकारी विक्रम कदम, पोलीस निरीक्षक अरुण पवार यांच्या मार्गदर्शनाखाली गुन्हे प्रकटीकरण शाखेचे सपोनि सी.व्ही.केंद्रे, पोलीस उपनिरीक्षक दत्तात्रय आसबे, सहाय्यक पोलीस उपनिरीक्षक राजेश गोसावी, पो. हे.कॉ. सुरज हेंबाडे, शरद कदम, बिपिन ढेरे ,दादा माने, राकेश लोहार, शोएब पठाण, सचिन हेंबाडे, सुजित जाधव, पो.कॉ. समाधान माने, तसेच, सोलापूर ग्रामीणच्या सायबर शाखेचे पो.कॉ. अन्वर आतार यांनी कामगिरी पार पाडली आहे.
